Көк-Жаңгак шаардык кеңештин
IХ чакырылышынын кезексиз IХ сессиясы
ТОКТОМ 9/1
23.05.2025 жыл Көк-Жаңгак шаары
«Көк-Жаңгак шаарынын Ардактуу атуулу» наамын ыйгаруу жөнүндө
Көк-Жаңгак шаардык мэриясынын №1-06/1202 23.04.2025-жылдагы кайрылуу катынын жана шаардык кеңештин мыйзамдуулук, укук коргоо, этика жана мамлекеттик кызмат жана арыз маселелер боюнча туруктуу комиссиясынын 22.05.2025-жылдагы №6 протоколунун негизинде Көк-Жаңгак шаарынын социалдык-экономикалык өсүшүнө кошкон салымы жана көп жылдык үзүрлүү эмгеги үчүн Чыйбылова Айнагул Астанкуловнага «Көк-Жаңгак шаарынын Ардактуу атуулу» наамын ыйгаруу жөнүндө карап чыгып, Көк-Жаңгак шаардык кеңешинин депутаттарынын IХ чакырылышынын кезексиз IХ сессиясы
ТОКТОМ кылат:
1. Көк-Жаңгак шаарынын социалдык-экономикалык өсүшүнө кошкон салымы жана көп жылдык үзүрлүү эмгеги үчүн Чыйбылова Айнагул Астанкуловнага «Көк-Жаңгак шаарынын Ардактуу атуулу» наамы ыйгарылсын.
2. Тиешелүү иш кагаздарын даярдоо жагы кеңештин иш жүргүзүүчүсү М.Маразыковага жүктөлсүн.
3. Бул токтом расмий жарыяланган күндөн тартып күчүнө кирет.
Көк-Жаңгак шаардык
кеңештин төрагасы Б.Исмаилов
Көк-Жаңгак шаардык кеңештин
IХ чакырылышынын кезексиз IХ сессиясы
ТОКТОМ 9/2
23.05.2025 жыл Көк-Жаңгак шаары
Көк-Жаңгак шаардык мэриясынын
28.04.2025-жылдагы №01-27/1263
кайрылуу каты жөнүндө
Көк-Жаңгак шаардык мэриясынын №1-27/1263 28.04.2025-жылдагы кайрылуу катынын жана шаардык кеңештин мыйзамдуулук, укук коргоо, этика жана мамлекеттик кызмат жана арыз маселелер боюнча туруктуу комиссиясынын 22.05.2025-жылдагы №6 протоколунун негизинде Көк-Жаңгак шаарынын №4 Ю.А.Гагарин атындагы жалпы билим берүүчү орто мектебинин наамын Ооган согушунун ардагери маркум Кадыралы Жумабаевдин ысымын ыйгаруу жөнүндө карап чыгып, Көк-Жаңгак шаардык кеңешинин депутаттарынын IХ чакырылышынын кезексиз IХ сессиясы
ТОКТОМ кылат:
- Көк-Жаңгак шаарынын №4 Ю.А.Гагарин атындагы жалпы билим берүүчү орто мектебинин наамы Ооган согушунун ардагери маркум Кадыралы Жумабаев атындагы жалпы билим берүүчү орто мектеби деп өзгөртүлсүн.
- Мектептин атын өзгөртүү үчүн мамлекеттик мекемелер менен мыйзамдуу иш чараларын алып баруу жагы шаардык билим берүү бөлүмүнүн башчысы Н.Джолдошевага милдеттендирилсин.
- Мектептин атын өзгөртүүгө кеткен материалдык чыгымдар К.Жумабаевдин бир туугандарына милдеттендирилсин.
- Токтомдун аткарылышын көзөмөлдөө жагы шаардын мэри Замирбек уулу Сыргакка жана шаардык кеңештин мыйзамдуулук, укук коргоо, этика жана мамлекеттик кызмат жана арыз маселелер боюнча туруктуу комиссиясына жүктөлсүн.
- Бул токтом расмий жарыяланган күндөн тартып күчүнө кирет.
Көк-Жаңгак шаардык
кеңештин төрагасы Б.Исмаилов
|